بدات القصة في سنة 1928, طُلب من اوبنهايمر القاء محاضرة عن ميكانيكا الكم في جامعة ( ليدن ) لكن يجب ان تُلقى باللغة الهولندية . وفقا لروايته فخلال ستة اسابيع فقط تعلم الهولندية والقى محاضرته، وعلى حسب كلامه : لغته مكانتش مثالية بس كويسة عشان تتفهم من اي مواطن هولندي.
طيب ايه الطريقة الي استخدمها اوبنهايمر ؟
من الي فهمته انها تنقسم الى 3 اجزاء
1 - الإنغماس - Immersion
عمرك سالت نفسك ليه لما حد يهاجر لبلد هتلاقيه بيتعلم اللغة بتاعتها بشكل اسهل واسرع من اي حد تاني برا البلد قاعد يدرس اللغة بالساعات ؟
الفكرة ان عقله بدا يمتص اللغة سواء من الافتات وكلام الناس وكل حاجة حواليه وده بيخليه يتعلم اللغة اسهل واسرع وده الي عمله اوبنهايمر لما سافر هولندا. طب احنا ازاي نعمل كده في حياتنا ؟
خلي حياتك تتمحور حوالين اللغة الي بتتعلمها
غير لغة الهاتف
اشترك في قنوات خاصة باللغة دي
تابع صناع محتوى ( فلوجات بالأخص )
اسمع بودكاستس وركز كيف بيوظفوا اللغة
2 - الممارسة - Practicing
اتكلم باللغة دي مع البشر وادخل جروبات بيتكلموا نفس اللغة. طيب مش لاقي ؟ استخدم ادوات الذكاء الإصطناعي واسال واخلق محادثات معاه واتعلم لغة المواقف زي مثلا لغة الشارع لغة الفنادق لغة المطعم وهكذا بس اهم شئ تمارس اللغة يوميا حتى لو نص ساعة بس اهم شي الإستمرار
3 - معايشة اللغة - Living the language
الكلمات والجمل الحياتية الي انت بتستخدمها في يومك ترجمها باللغة الي هتتعلمها واستعملها في حياتك بدل لغتك الأصلية ( في مخيلتك )
اي شئ تقابله في حياتك اوصفة باللغة دي ولو معرفتش ترجم علطول
فكر واكتب واقرا باللغة وخليها شئ تعيشه مش تدرسه
اي كلمة تيجي قدامك في اللغة دي وانت متعرفهاش ترجمها وانسبها لصورة او شكل او فعل لان ده هيسهل استدعائها في حياتك منغير ما تفكر في ترجمتها
اعمل شادوينج كل يوم من على اليوتيوب عشان تحاكي النطق الاصلي وتتعلم ازاي بيتكلموا ( اكتب على اليوتيوب اسم اللغة الي هتتعلمها جنبها Shadowing وكرر وراه )
من الاخر حول كل حياتك للغة دي
كده انت هتسمح للغة بالدخول لعقلك وهتلاقي لسانك بقا بيتكلم لوحده واتعود عليها بس زي ما قولتلك اهم شئ الممارسة والإستمرار
نقطة مهمة
من رأيي الطريقة دي تعملها لو انت معاك اساسيات اللغة دي عشان تكون اسهل شوية عليك فلو معاك الأساسيات ابدا في الطريقة دي حالا واستمر عليها وعن تجربة هتلاقي تطور سريع في لغتك بس اهم شئ الإستمرااريية
وشئ تاني يخص علم النفس : قبل ما تتعلم اللغة او تمشي في الطريقة ادي لنفسك هوية انك مثلا انا شخص متعلم لغات انا انجليزي انا روسي وهكذا لإن عقلك محتاج الهوية عشان يخليك تكمل منغير ما تزهق لانها بقت جزء من شخصيتك
وجب التنويه : انا بس بنقلك طريقته في تعلم اللغة. مش بمجد فيه ولا شايفه شخصية يحتذى بها. هو في الاول والاخر مجرم يهودي وانا لا اكن له اي احترام.
كثير ناس عارفين ان هذي هي طرق تعلم اي لغة لكن المشكله بالاستمرارية الإنسان يحتاج صلابة ذهنية بحيث مهما يصير ومهما تواجهه مشاكل وعقبات يواصل تعلمه ولا يمل ابدًا
من فَـترة كان ظَهرلي أن من أفضل الطرق في تعلم لغة هي طريقة اوبنهَايمر..قلت لنفسي إني هبحث عنها لكني وجدت نفسي تناسيت فعلًا لحد ما لقيت مقالك...الشرح وَافي و مبسط و حقيقتًا إستفدت منه كتير، شكرًا