هذه العادات كانت تُستخدم عن طريق الكثير من العباقرة مثل ( البيرت اينشتاين - بنجامين فرانكلين - ليوناردو دا فينشي - ارسطو - غوته - نيكولا تسلا -…….)
طب ايه هي العادات دي ؟
التفكير العميق المركز
لازم تحدد في يومك مدة من الوقت وفي المدة دي تحدد مشكلة سواء عندك عند حد تعرفه او حتى مشكلة سياسية اجتماعية اي حاجة المهم يكون في مشكلة وانت تقعد لوحدك ومتعملش اي حاجة غير التفكير لحل المشكلة دي ومينفعش تقطع التفكير بأي كلام مع حد او مسك الفون، تقعد لوحدك في صمت وتفكر وتعصر دماغك لحل المشكلة دي ( حتى ولو انت فاكر انك مش هتعرف تحلها، عادي المهم حاول وهتلاقي نفسك بتطلع الحلول اصلا ) فمنها انت بتحل مشاكلك وكمان بتطور ذكائك. والمدة على حسب كل واحد فينا مش هيكون رقم ثابت يعني. بس اقل شئ 10 دقائق
تحدي نفسك
مثلا وانت بتعمل حاجة في البيت او في شغلك ولقيت انها صعبة، اياك تسيبها وتقول لا مش هقدر، اعند في نفسك وافضل حاول فيها ودور وشوف طرق انك تعمل الحاجة دي ومتيأسش ( الطريقة دي بتقوى الوصلات العصبية وبتبني مسارات جديدة في عقلك ودي الطريقة الي بتخلي العقل يتطور ) بس اهم شئ تكون رحيم بنفسك ويكون ليك حد يعني متوصلش معاك انك تيجي على صحتك مثلا
عبر عن افكارك بالكتابة
الكتابة قبل ما تكون تعبير عن ذاتك فهي اداة تفكير ( وبغض النظر ان الطريقة دي بتقوي ذكائك الا ان كمان بتساعدك تنظم افكارك وتلاقي حلول لمشاكلك زي مكان (فينمان) بيعمل ) وانت عندك ميزة جميلة الا وهي سبستاك فاكتب ما بداخلك براحتك
وسع مداركك
اقرا واستكشف ونمي افكارك في كل مجالات الحياة مثلا ( بيولوجي - فلك - علم نفس - تسويق - اقتصاد - سياسة - حرف يدوية - … ) لا تحد نفسك في زاوية واحدة، العالم مفتوح امامك فليش ما تقرا وتستكشف بدلا من السكرول عديم الفائدة على منصات السوشيال ميديا ؟ ( منها بتنمي مسارات عصبية جديدة في عقلك وكمان انا متاكد انك في مرة هتحتاج حاجة من الحاجات دي في حياتك سواء من الناحية التثقيفية او العملية )
الإسترجاع النشط - Active Recall
مع كل فصل تذاكرة او مع كل صفحة تقرأها من كتاب، بعدها تقفل الكتاب واسترجع بعقلك اهم الأفكار سواء شفهيا او كتابيا، بالطريقة دي مع تكرراها بتقوي الوصلات العصبية وكمان المعلومات الي عملتلها استرجاع نشط بنسبة كبيرة صعب تنساها وهتفضل في ذاكرتك لمدة طويلة
الراحة والتعافي
عمر مكان النوم والراحة مضيعة للوقت، ده يعتبر كإعادة شحن لدماغك وفي خلال منت نايم العقل بيشتغل وبينظم ويفلتر المعلومات سواء كانت مهمة نحتفظ بيها ونقوي الروابط العصبية في المنطقة المسؤولة عنها ولا مش مهمة ونهملها ؟
وغير كده لو منمتش واجهدت نفسك عقلك مش هيقدر يفكر بعمق او يلاقي حلول للمشاكل الكبيرة وهتحس نفسك زومبي، فلو مش بتنام حلو فبلاش بجد. جسمك عليك حق وامانة ولازم تحافظ عليها وافضل استثمار لجسمك هو النوم الكافي وغير كده هو في الأجمل من النوم يعني
يعتبر مفيش غير اول عادة بس الي هتحددلها وقت وباقي العادات هتلاقي نفسك تقدر تطبقها في مهام حياتك العادية فالأمر مش هيكون صعب او متعب اوي يعني فممكن نعتبرها كتغير سلوك مش اكتر
اذا استفدت اتمنى الدعاء لي في سرك عشان انا في امس الحاجة للدعاء الفترة دي
استوعبت شغلة هسة ..
بالعادة لما اقرا عن تاريخ فد شخصية خلدها التاريخ أيا كان تخصصها، عل اغلب بيكون عدها اهتمامات بتخصصات اخرى و اكتشافات و ممكن دراسة كاملة باكثر من مجال
مثال على ذلك ابن سينا، عالم بالطب و الرياضيات و الفلسفة .
ابن الهيثم دمج الرياضيات بالفيزياء و اسس علم البصريات الحديث.
ابن خلدون ، سياسة و تاريخ و علم اجتماع و فقه و قضاء.
الفكرة انهم جميعا ما حددوا نفسهم باطار واحد، ولا كالوا مالي دخل بفلان تخصص ثاني
لا جانوا موسعين مداركهم بشتى المجالات و الهم كل الثقةة
مو غلط ان الواحد يثبت على تخصص واحد و يتعمق بيه وحده
بس غلط فرض الشخص للالتزام بتخصص واحد و ممنوع يطلع منه او يغيره...غلط ان نحاسب شخص بس لانه مهتم بتخصصات ثانوية..
الحياة واسعة و العلوم واسعة و ربنا اعطانا دماغ و عقل قادر يستوعب هاي العلوم ، ف ليش لا؟؟؟
صح وأظن أنو في كتير نشاطات عقلية أخرى كلعب الشطرنج مثلا فهو بيخليك تدخل في التفكير العميق وفيه تحاول إيجاد حلول والصبر ومحاولة بناء خطط جديدة والتأقلم في حال فشل خطة ما