تصرف واحد ممكن ( يقتل- يدمر - ينقذ ) حياة انسان

كل الناس لازم يكون عندها المعلومة دي

لو صدف وشفت قدامك حادثة او حد وقع من مكان عالي أو اتخبط خبطة جامده ووقع مغمى عليه

ارجوك ارجوك .. بلاش شهامة ابن البلد هنا

الي هو تروح تقومه من مكانه وتفضل تهز في راسه وتقوله انت تماااام ؟ انت فاااايق ؟

ارجوك بلاش عشان في حالات من دي بيكون معاها كسر في الرقبة وممكن بسبب الي عملته يقطع الحبل الشوكي ويجبله شلل رباعي، يعني متجيلوش من الحادثة وتجيله من التصرف بتاعك ده

كل الي عليك تعمله انك تتصل بالإسعاف بسرعة وتوسع مكان حواليه عشان يعرف ياخد نفسه وتستنى هما هيعرفوا يتعاملوا معاه صح

تحركه لو

• مش بيتنفس ( نعمله CPR ) او الإنعاش القلبي الرئوي

• المكان الي فيه خطر زي مثلا في عربية بتولع او دخان حواليه

• بيرجع الي في بطنه ( تنيمه على جنبه ) عشان ميتخنقش ويحصله Aspiration Pneumonia

• بينزف جامد اوي ولازم تسد مكان النزيف

بس لما تحركه حاول يكون معاك كذا حد وتحركه قطعة واحده بتكنيك اسمه ( Log Roll Technique )

وعي كل اصحابك وقرايبك وكل الي تعرفهم ممكن تكون سبب في إنقاذ أو تغير مسار حياة بني ادم ..