منغير مقدمات في المقال ده هديك 4 خطوات انا واثق انها هتخليك تتعلم اي شئ بشكل افضل واسرع من اي حد ( عن تجربة )
- قاعده 80% - 20%
بتنص ان 80% من نتائجك بتيجي من 20% فقط من مجهودك ( لكن لازم توظفها بذكاء في الموضع الصحيح )
احنا كلنا بنعقد كل شئ بنسويه وبنضيع وقت كبير في تفاصيل مش هتفيدنا الا بالقليل ( وغالبا بننساها ) فانت لما توظف مجهودك صح هتكون اسرع ومنتج اكتر من اي حد
مثلا اذا بتتعلم لغة بدل ما تروح تحفظ كل الكلمات في اللغة دي وجمل معقده لا، الي تعمله هو ان يكون معاك بس
اشهر 500 - 1000 كلمة بتبتسخدم في حياتك اليومية بناء على اامواقف والاماكن ( الفندق البقالة المترو ...) قسمهم على فترات زمنية
اساسيات تركيب وتكوين الجملة ( تفهمها )
يعني مثلا انت رايح البقالة مش هتقول للكاشير ( التعالق الننطولوجي بين الكينونة والماهية ) اكيييد لا الكلمات الي هتستخدمها في حياتك مثلا ( اهلا، شخبارك،بكام هذه،شكرا ..... ) وهكذا
وااكلام ده ينطبق على اغلب الحاجات الي بنتعلمها في حياتنا بس مش عاوز المقال يكون طويل ( اسال شات جي بي تي كيف استخدمها في الشئ الي تبي تتعلمه )
افشل وتعثر كتير
متستغربش الي قريته صح، ملاحظتش ان اي غلط كنت بتعلمه في المدرسة او في الجامعة كنت بتفضل فاكرة مدة طويلة بعدها . وهنا النقطة بتاعتنا ( احنا بنتعلم من فشلنا اكتر من نجاحنا ) والطريقة دي باامناسبة بتملى كل الفراغات وبتكمل اول خطوة، لو عاوز تتعلم انك تكون بتعرف تسدد الكورة صح لازم تغلط كتير وتودي الكورة للجماهير أكثر من مرة وده طبيعي
في شئ اسمه Learning cycle
اول خطوة فيها انك تغلط وتفشل بعدين تستوعب ايه الي كان غلط ثم نتعلم منه وكده احنا وصلنا لاخر نقطة اننا اتطورنا وده كله بدا اننا فشلنا ( وبالمناسبة الطريقة دي امتع بكثير )
مثلا في تعلم اللغة انا عاوزك تتكلم كتير مع الناس او حتى مع ذكاء اصطناعي في مواقف عدة ولما تلاقي نفسك عطلت في كلمة او جملة اقف هنا وسجل انت كنت عاوز تقول ايه وترجمها واعرف بتتقال ازاي واستخدمها ( بنسبة كبير مش هتنساها تاني )
قاعدة ال5 دقائق ما قبل العملية ( انا الي مخترع الإسم )
معظم الناس لما تيجي تتعلم اي حاجة بتبدا في الشئ الجديد علطول منغير ما يراجع او يلقي نظرة على الي فات ( وده هبخليه ينسى كل الي ببتعلمه )
فالي هنعمله مثلا انا هدرس انهاردة درس رقم 4 فقبل ما ابدا فيه لمدة 5 دقائق بس هبص بصة سريعة على كل الي فاتني ( كده انت بتخلي المعلومات تتحول من الذاكرة قصيرة المدى الى طويلة اامدى ) على نهاية الكورس الناس الي مش بيراجعوا هيحتاجوا اياااام ومجهود زيادة عشان يراجعوا كل حاجة ذاكروها قبل كده لإن بنسبة كبيرة المعلومات اتنست عكسك انت المعلومات كلها ثابته معاك في الذاكرة طويلة المدى بسبب المراجعة وكده بقيت اسرع والمعلومات بقت فعالة اكثر . ( مش شرط 5 دقائق يعني ممكن تزود أو تقلل على حسب الكمية بس يستحسن تكون مدة مش كبيرة )
تعلم إدارة الوقت
اغلب الناس بتهمل الجزء ده وعن تجربة لما بتتعلم المهارة دي بتلاقي انك بقيت اسرع وفعال اكثر في يومك وانا شارحلك الموضوع بشكل سهل وبسيط في المقال ده ( كيف تكون مبدع في إدارة وقتك )
وطبعا لازم انهي المقال بأشهر جملتين بقولهم
اهم شئ الإستمرااارييية
انت المتحكم في نفسك مش نفسك المتحكمة فيك
تقنية تعليم شخص آخر هم تساعد كثير
اكتر حتة ضحكتني بتاعت إني لازما أودي الكورة للجماهير أكتر من مرة عشان أعرف أسدد 😂😂😂
الموضوع دا فعلا كان بيحصل زمان واحنا صغيرين ونلعب كورة، ولازما الشخص يلبس كذا كوبري عشان يتعلم ميفتحش رجله تاني 😂😂
فحقيقي الشخص عمره ما هيعرف الصح إلا لما يقع في الغلط ( مش الحرام طبعا )، حتى الشخص اللي بينصحك بالصح، بيكون وقع في الغلط اكتر من مرة، عشان كدا بقا عارف الصح فين!