كيف تختار هواياتك بذكاء في زمن التشتت والتوهان؟

How to choose your hobbies wisely in a time of distraction and confusion

كتير مننا ان مكانش اغلبنا لما بيلاقي هوايات كتير قدامه بيكون مش عارف يعمل انهي هواية والهوايات تتراكم عليه فيتشتت وميعملش ولا هواية منهم في الأخر ويكون زي كده بالظبط

حابب اقولك ان ده طبيعي لإنك ماشي عشوائي ومش عارف تختار على اساس ايه فتعالي ابسطلك الموضوع

في البداية كده لازم تفهم ان الهوايات مش مجرد شئ ترفيهي وخلاص لا دي ليها عامل كبير اوي سواء في بناء شخصيتك او انك تدي لحياتك معنى وانا مقتنع بشئ ان ( هوايتك هي روح هويتك )

طيب ازاي نختار هواياتنا صح ؟

في 3 اعمده رئيسية لإختيار هواياتك كل عمود منهم تختار منه هواية واحده على الاقل

1 - هواية إبداعية - Creative Hobby

الهدف منها انها تخليك تعبر عن الي جواك تخرج طاقتك فيها مثل :

• الرسم

• الجرافيك ديزاين

• التصوير

• كتابة قصص وروايات

• كتابة الشعر

• كتابة سكريبتات محتوى

• الغناء

• التمثيل

• الأشغال اليدوية مثل الفخار

• الطبخ

• واخيرا المفضلة عندنا كلنا ( صناعة سيناريوهات خيالية )

لا تستغرب هي فعلا هواية ومن افضل الهوايات الي تنمي مخيلتك وابداعك وتعبر عن كل الي بداخلك بس لازم تكون عارف كيف تفسرها وتفهمها وكل شئ له حدود لا تخليها مسيطرة بالكامل على حياتك

2 - هواية تنمي ذكائك - intellectual Hobby

الهدف منها انها تقوى ذكائك وانتباهك وتحسن من ذاكرتك مثل :

• القراءة

• الشطرنج

• السودوكو

• تعلم اللغات

• البرمجة

• تعلم علم النفس والفلسفة ( لكثرة التفكير النقدي )

• تلخيص الكتب

• العاب استراتيجية

• حل الألغاز والقضاية الإجرامية

• بناء وتركيب الأشياء

• الرياضيات

  

3 - هواية بدنية - Physical Hobby

الهدف منها ان تحافظ على صحتك وتحسن من قوتك ومرونتك مثل :

• الجيم

• الكاليثينيكس - Calisthenics ( ارشحها بشده للشباب )

• البيلاتس- pilates ( ارشحها بشده للبنات )

• الجري

• المشي

• السباحة

• الملاكمة

• كرة القدم

• كرة السلة

• التنس

• نط الحبل

• الرماية

ملحوظة : كتير ناس معتقده ان الهواية دي للشباب فقط وكده لا، الهوايات البدنية للكل ربنا ادالنا كلنا جسد وصحة لازم نحافظ عليهم ونحسنهم لإنها امانة عليك في الاول والاخر

كده انت عرفت ازاي تختار هواياتك وعلى اساس ايه وبنسبة كبيرة اغلب الهوايات هيكونوا متوحرين حوالين ال 3 اعمدة دول

نقطة لازم تاخد بالك منها

لازم في اي هواية تمارسها اهم شئ تكون مستمتع وبتعملها حبا فيها ( مش عشان لازم اعملها )، تكون واخد الهواية كشئ انت بتحبه وبتقضى وقتك فيه كان دي ذاتك دي هويتك وعامة اغلبنا بيهرب من العالم الي حواليه بممارسة هوايته لإنها اصبحت المكان الآمن والدافئ عشان يلاقي ذاته ونفسه فانت مارس هواياتك براحتك وخصصلها وقت ( في الحقيقة انت كإنك بتخصص وقت لنفسك مش ليها ) وهتلاقي الهوايات لوحدها بتضيف لشخصيتك ابداع وذكاء وصحة منغير ما تاخد بالك واهم شئ في اي هواية تكون خالية من اي شئ حرام

اتمنى تكون استفدت وتشتتك الخاص بالهوايات قل وبقيت عارف هتختار على اساس ايه ولا تنسى ان تستمتع