عمرك لاحظت انك بعد ما تحكي لحد عن اهدافك او مخططاتك الفترة الجاية بتلاقي ان حماسك بعدها قل ويمكن كمان بتحس بعدم توفيق ؟ حابب اقولك ان ده مش مجرد احساس فتعالى افهمك الأسباب
تقليل الدافع
لما تحكي للناس عن اهدافك وتلاقيهم بيحيوك وبيبدوا اعجابهم عقلك بيحس بالمكافاة قبل ما تنجز أي حاجة الإحساس ده بيخلي الحماس بتاعك يقل لإن العقل حس إنه أخد جزء من المكافاة من غير تنفيذ وده طبعا شئ حلو جدا للنفس عشان كده بعض الناس بيقضوا وقت طويل بيتكلموا عن خططهم بدل ما يشتغلوا عليها لانهم حابين الدوبامين المزيف ده
الصمت بيحافظ على تركيزك
لما تخلي اهدافك لنفسك بيكون تركيزك كله على التنفيذ مش على ردود فعل الناس أاما لما تعلن عنها ممكن تبدأ تفكر في نظرة الناس ليك أكتر من الي انت عاوز تعمله فبالتالي لهدف يتحول من رحلة شخصية لمحاولة لإثبات نفسك قدام الناس وده طبعا هيشتتك اوي عن هدفك
مش كل الناس راح تتفاعل بنفس الطريقة
حتى الناس اللي بتحبك ممكن تتعامل مع أهدافك بشكل يأثر عليك بالسلب من غير قصد، في الي هيشجعك وفي الي هيشكك في قدراتك وفي الي هيقارنك بنفسه أو يحاول ينصحك بشكل يشتتك ( بنية مش سيئة ) بس كل واحد بيشوف حسب نفسه وخبراته وبيئته وماضية وده مختلف تماما عنك فممكن تاخد بكلامه وميشتغلش معاك ويثبطك
الصمت مش ضعف
الاحتفاظ بخططك لنفسك مش معناه إنك غامض أو خايف لا، ساعات بيكون وسيلة لحماية الفكرة وهي لسه في بدايتها قبل ما تتعرض للانتقاد أو الأحكام الي ممكن تاثر عليها وعليك بالسلب. الفكرة وهي لسه جديدة بتكون هشة وبتحتاج وقت تنضج بعيد عن الناس فحافظ عليها وركز على التنفيذ بعيدا عن اعين البشر
الكلام أقل والعمل أكتر
الناس اللي بتحقق إنجازات كبيرة غالبًا بتركز على التنفيذ أكتر من الإعلان بيخلوا النتائج هي اللي تتكلم عنهم بدل ما يشرحوا كل خطوة بيعملوها وده بيخلي طاقتهم كلها متوجهة للشغل مش للتباهي قدام العامة
الحسد
طبعا كلنا مؤمنين بالحسد وكلنا عارفين انه موجود. ده حتى ذُكر في القران فوانت بتقول لحد عن اهدافك ممكن غصبن عنه يحسدك وهو مش قاصد فتلاقي نفسك شغفك اقل ومفيش توفيق وتحس انك مش عاوز تكمل وبتكون مش قادر اصلا وكلنا سمعنا قصص كتير زي كده وغالبا انت الي بتقرا حصلك موقف زي كده
السوشيال ميديا
دلوقتي بقى فيه ضغط عليك إنك بتلاقي كل الي حواليك بينشروا حاجات كتير من دي وبتلاقيهم بياخدوا مدح وتقدير من المجتمع وممكن تقول : ليش مو انا ؟ بس انت دلوقتي غهمت ان ده كله عبارة عن دوبامين مزيف ملوش لازمة الاهم من الاحساس ده التزام الصمت والعمل على هدفك لان احساس الوصول للهدف هيكون احسن بكتير من الدوبامين المزيف هذا وكمان التقدير هيكون اضعاف فالتزم الصمتتت
الخلاصة
الصمت مش معناه إنك تخبي حياتك عن الناس كلها بس بيكون أفضل طريقة تحمي بيها أهدافك وهي لسه بتتبني ولو لازم يعني تنشر او تحكي كنوع من انواع التسويق الذاتي فاحكي عن إنجازاتك بعد ما تتحقق وخلي مجهودك يسبق كلامك لأن الأحلام في بدايتها بتكون محتاجة وقت وتركيز واستمرار قبل ما تكون محتاجة تصفيق
ساعات الدائرة القريبة من الأشخاص لو عرفوا إنك كنت بتعمل حاجة متكلمتش عليها قبل كده، يحسوا بإحساس سلبي، و كأنك نفيتهم و مش
عايز تعرفهم، أو شايف إن نفوسهم وحشة،
في حين إنك مقولتش عشان الأسباب اللي تم ذكرها في المقال، بس مين يفهم بقا؟
عايزين روشتة للحالة ده يا دكتور بالله
دائمًا يسألوني شنو تردين تصيرين واكلهم وحرفيًا هذا المقال صح كلهم ولا واحد منهم كلشي اجتهدي كملي حلمي اكثر كلهم يكولون يتغير حلمج بالسنين الجاية وحسب معدلج وغير الحسد وغير الأمور الثانية وحتى التقليل منك بس علمود يخلوك تكره هذا الحلم وإن شاء الله استمر بتحقيقه وبدون لا احجي أهدافي الثانية لأن مجرد تريد تسافر او تغير او تسوي أي شي غريب راح ينتقدون