المبادرة - Initiation

ما راح أبالغ إذا قولتلك أن الصفة دي من اكتر الصفات الي تخليك شخص ناجح وكمان محبوب

طب يعني ايه مبادرة ؟

المبادرة بكل اختصار انك تكون صاحب الخطوة الأولى أو زي ما بنقول عليها ال ( First Step )

• في مشكلة بينك وبين حد انت الي تبدأ وتروح الصالحه وتحل المشكلة

• مع أهلك والقريبين منك انت الي تبدأ بالسؤال

• لقيت حد في مشكلة تعرض عليه المساعده متستناش يطلب منك

• في شخص عاوز تتعرف عليه انت الي تبدأ بفتح الكلام معاه

• في الدراسة بدل ما تستنى حد يشرح لك انت الي تبدأ تدور على مصادر

• حتى في الشطرنج الي بيكون واخد المبادرة في الهجوم بنسبة كبيرة هو الي بيكسب

الصفة دي بتكون من صفات القادة الناجحين وصعب تلاقي قائد معندوش الصفة دي وكمان بتدي انطباع كبير بالمسؤولية تجاهك سواء من اهلك او من كل الي حواليك

وجه آخر للمبادرة

انك متستناش الظروف تكون مثالية عشان تبدأ لازم تبادر وتبدأ ، متقولش هبدا لما املك كذا قول : هبدا بالي املكه دلوقتي

عشان كده عامة كانو بيحذرونا من التخطيط الكتير المبالغ فيه لانه بكل بساطة هيخليك تبدأ متاخر ،هيخليك تأخر البداية على حساب انك عاوز كل حاجة زي ما خطط ، لا ، ابدا بتخطيط بسيط ولما تبدأ في التنفيذ طور ده بالتخطيط والتحسين اهم شي الإتنين يكونوا ماشيين مع بعض محدش فيهم يكون شغال والتاني لا

ونختم بإقتباس

“كثير من الناس لا يفشلون لأنهم غير قادرين، بل لأنهم لم يأخذوا الخطوة الأولى.”